काठमाडौं चैत्र २० भृकुटीमण्डपस्थित राष्ट्रपति विद्यादेवी भण्डारीले मेलम्ची खानेपानीको आयोजना विकास समिति अन्तर्गत सम्पन्न आयोजना मार्फत ल्याइएको वहुप्रतिक्षित मेलम्ची खानेपानीको विधिवत समुद्घाटन समारोह सम्पन्न गरेको छ ।
समुद्घाटन समारोहमा सम्वोधन गर्दै भण्डारीले पूर्व प्रधानमन्त्री कृष्णप्रसाद भटराईले २०४८ सालको चुनावी अभियानमा काठमाडौं उपत्यकाबास्ीलाई खानेपानीका साथै सडक सफा गर्ने उद्घोष गरेको स्मरण गरे ।
राष्ट्रपति विद्यादेवी भण्डारीले आयोजनाको कार्यलाई सफल बनाउन विभिन्न राजनीतिक पार्टी, योजनाविद् दातृ निकाय प्राविधिक, राष्ट्रसेवकहरुको योगदानलाई धन्यवाद ज्ञापन गर्नु भयो ।
उक्त मेलम्ची खानेपानी आयोजना राष्ट्रिय गौरवको आयोजना बन्न सफल भएको बताउँदै २०४२ सालमा सम्भाव्यता अध्ययन भएको उक्त आयोजनालाई कृष्ण प्रसाद भटराईको चर्चाले साकार रुप लिएको बताए ।
प्रधानमन्त्री केपी शर्मा ओलीले हाल साँढे ८ करोड लिटर पानी वितरण भएको जनाउँदै छिटै पूर्ण क्षमता अनुसार पानी वितरण गरिने बताउदै याङग्री र लार्केको पानी पनि ल्याउने बताए ।
समुदघाटन समारोहमा मेलम्ची खानेपानी विकास समितिका कार्यकारी निर्देशक दिनेश चन्द्र खत्रीले दैनिक १७ करोड लिटर पानी राजधानीमा ल्याउने भएपनि परिक्षणका क्रममा रहेकाले शुक्रबार देखि साँढे ८ करोड लिटर पानी वितरण भइरहेको र केही दिनमै १७ करोड लिटर पानी वितरण गरिने बताए ।
उक्त खानेपानी काठमाडौंको उत्तर पूर्वमा रहेको सिन्धुपाल्चोक जिल्लाको मेलम्ची खोलाको पानीलाई २६ किलोमिटर लामो सुरुङ्गमा पठाएर काठमाडौंको सुन्दरीजलमा विसर्जन गरिएको छ । उक्त पानी काठमाडौंका विभिन्न स्थानमा पोखरी बनाएर वितरण गरिएको र वितरण गर्ने क्रममा रहेको जनाएको छ ।
उक्त आयोजनालाई पूर्ण रुप दिन नेपालको सरकारको ३३ प्रतिशत र एशियाली विकास बैंकको ४६ प्रतिशत लगानीमा सम्पन्न भएको हो । आयोजनालाई दुईभागमा विभाजन गरी मुख्य पानी पठान्तरण कार्य मेलम्ची खानेपानी विकास समिति र वितरण काठमाडौं उपत्यका खानेपानी लिमिटेड मार्फत गरिएको छ ।
पानी वितरण गर्न २०७७ फागुन २२ मा सुन्दरी जलका मुख्य वितरण केन्द्रमा झारिएको थियो ।
